Nokia, të cilët dikur ishin jashtëzakonisht të popullarizuar, por sot, në epokën e telefonave inteligjentë, duken pothuajse të pabesueshëm për shkak të thjeshtësisë së tyre.
Në mesin e modeleve më të njohura përmenden Nokia 3310 dhe Nokia 5110, telefona që u bënë pjesë e përditshmërisë së miliona njerëzve në mbarë botën.
Nokia 5110 ishte një nga modelet që ndihmoi në popullarizimin e telefonave celularë. Ai kishte një ekran të vogël monokrom, tastierë fizike dhe mundësi për të ndërruar kapakun me ngjyra të ndryshme.
Më pas erdhi Nokia 3310, i cili u bë edhe më i famshëm. Telefoni njihej për qëndrueshmërinë e tij, baterinë që zgjaste për ditë të tëra dhe lojën Snake, e cila për shumë përdorues ishte një nga argëtimet kryesore.
Në atë kohë, telefonat përdoreshin kryesisht për telefonata dhe mesazhe SMS. Nuk kishte aplikacione sociale, kamera me cilësi të lartë, transmetim videosh apo internet të shpejtë siç ka sot.
Megjithatë, pikërisht thjeshtësia e këtyre pajisjeve ka bërë që ato të mbahen mend edhe sot. Për shumë përdorues, Nokia 3310 dhe modelet e ngjashme mbeten simbol i një epoke kur telefoni celular ishte një pajisje e thjeshtë dhe e qëndrueshme. /Telegrafi/
