Një vizitë e pazakontë ka ndodhur herët në mëngjes pranë Varshavës, ku dy dre të mëdha u shfaqën para një shtëpie dhe madje duket se “i ranë” interfonit.
Sipas pamjeve të publikuara, njëra prej kafshëve ka gjasa ta ketë shtypur aksidentalisht butonin me turirin e saj, pasi të dyja u afruan te hyrja e pronës.
Kur askush nuk u përgjigj, kafshët nuk u larguan. Ato kapërcyen lehtësisht gardhin dhe hynë në kopshtin e shtëpisë.
Më vonë, pronarët hapën portën automatike në përpjekje për t’u krijuar një dalje, por dy drerët nuk shfrytëzuan portën.
Në vend të kësaj, kafshët u kthyen te gardhi dhe e kapërcyen sërish, këtë herë nga ana e kopshtit, duke u larguar nga prona.
Ngjarja është bërë virale në rrjetet sociale për shkak të sjelljes së pazakontë të dy kafshëve, të cilat për pak kohë u shndërruan në “mysafirë” të papritur të shtëpisë. /Telegrafi/
