Gresa Hoti ka tërhequr sërish vëmendjen e ndjekësve, këtë herë me një fotografi për jetën sentimentale.
Modelja dhe ish-banorja e Big Brother VIP Kosova ka ndarë në Instagram një imazh bardh e zi, ku shihet pranë një djali.
Pa dhënë asnjë detaj për identitetin e tij, Gresa ka zgjedhur ta publikojë fotografinë në InstaStory, duke lënë hapësirë për pikëpyetje rreth raportit që ka me të.
Postimi vjen në një periudhë kur modelja ka qenë më e rezervuar për jetën e saj personale dhe nuk ka ndarë shumë informacione me publikun.
Fotografia, megjithatë, ka mjaftuar për të rikthyer vëmendjen te Gresa dhe për të nxitur kureshtjen e ndjekësve.
Afërsia mes dyshes në imazh mund të interpretohet si një moment intim, por vetë Gresa nuk ka konfirmuar nëse bëhet fjalë për një lidhje romantike.
Deri tani, identiteti i djalit mbetet i panjohur dhe mbetet për t’u parë nëse Gresa do të zbulojë më shumë për raportin e saj në ditët në vijim. /Telegrafi/
