Kim Kardashian ka tërhequr vëmendjen në Londër duke u shfaqur me tre veshje të ndryshme gjatë festimeve për hapjen e dyqanit të parë kryesor të SKIMS në kryeqytetin britanik.
45-vjeçarja u shfaq me një kostum prej lëkure gjarpri, ndërsa gjatë mbrëmjes ndryshoi disa herë pamjen.
Kim u pa gjithashtu duke takuar parukierin e saj Chris Appleton, përpara debutimit të tij në “Strictly”, shkruan DailyMail.
Më vonë, ajo zgjodhi një fustan ngjyrë kafe, të ngushtë pas trupit, me detaje me lidhëse, dekolte të thellë dhe fund transparent, të cilin e kombinoi me taka me lidhëse dhe grim të theksuar.
Në festimet për hapjen e SKIMS morën pjesë edhe emra të tjerë të njohur, mes tyre Rochelle Humes, Leomie Anderson dhe Ellie Bamber.
Kim vazhdoi mbrëmjen me festën pas sfilatës së Javës së Modës në Londër, ku u shfaq sërish me një tjetër veshje.
Dalja e saj në Londër erdhi pasi ajo kishte shijuar një darkë me Lewis Hamilton në restorantin estiatorio Milos. Dyshja ishte parë së bashku në Paris dhe më pas udhëtoi drejt Londrës.
Në të njëjtën ditë, një gjykatë në Paris i dha Kim vetëm një euro kompensim lidhur me grabitjen e armatosur të vitit 2016.
Gjatë incidentit, ajo humbi bizhuteri me vlerë 10 milionë dollarë (rreth 8.6 milionë euro), përfshirë një unazë fejese prej 4 milionë dollarësh (rreth 3.4 milionë euro) nga Kanye West, e cila nuk është gjetur. /Telegrafi/
