Një grua nga Virxhinia, SHBA, e cila vazhdimisht shihte të njëjtin kombinim numrash në targa automjetesh, vendosi t’i përdorte ata numra për të luajtur llotari dhe fitoi 100 mijë dollarë.
Banorja e Norfolkut u tha zyrtarëve të Virginia Lottery se vazhdimisht i shihte numrat 0-8-1-1-6 në vende të ndryshme, përfshirë targat e automjeteve.
Gruaja vendosi se këta numra ishin një mesazh nga universi dhe përdori kombinimin për të blerë online dy bileta për shortin e mbrëmjes Pick 5, më 12 gusht.
Numrat e saj dolën fitues, duke i sjellë dy çmime prej nga 50 mijë dollarësh secili, ose gjithsej 100 mijë dollarë.
“Kur i pashë ato zero, mendova se po shihja dyfish”, tha ajo. “Fillova të bërtisja nga gëzimi!”
Gruaja nuk tregoi nëse ka ndonjë plan të menjëhershëm për paratë e fituara. /Telegrafi/
