Jennifer Lopez është lënduar në skenë gjatë interpretimit të këngës “Ain’t It Funny”, por pavarësisht incidentit, ajo nuk e ka ndërprerë performancën.
57-vjeçarja është parë duke vazhduar të këndojë edhe pse kishte pësuar një prerje në parakrah, nga e cila i rridhte gjak. Lopez e përfundoi këngën pa e ndërprerë shfaqjen, ndërsa pamjet e incidentit nga turneu i saj “Up All Night” më pas u shpërndanë gjerësisht në TikTok.
Në videon e realizuar nga një prej të pranishmëve në koncert, këngëtarja shihet teksa vazhdon performancën, ndërsa gjaku i rrjedh përgjatë krahut.
Lopez duket e qetë dhe nuk lejon që lëndimi ta pengojë, duke e përfunduar këngën para se të merrej me plagën pas përfundimit të performancës.
Personi që publikoi videon e ka vlerësuar profesionalizmin e këngëtares.
“JLo fjalë për fjalë u pre në skenë dhe vazhdoi të performojë si një mbretëreshë e vërtetë… Jennifer Lopez është MBRETËRESHË dhe një performuese jashtëzakonisht profesionale”, ka shkruar ai.
Në komentet e videos, disa fansa kanë hamendësuar se Lopez mund të jetë prerë nga kostumi që kishte veshur gjatë performancës, i cili ishte i dekoruar me kristale.
“Kostumi kishte kristale dhe prerje, kështu që ajo u pre gjatë kërcimit”, ka shkruar një përdorues.
Të tjerë kanë supozuar se këngëtarja mund të mos e ketë ndier menjëherë lëndimin, për shkak të adrenalinës gjatë performancës.
Sipas raportimeve, pamjet janë realizuar gjatë turneut “Up All Night”. Në kuadër të këtij turneu, Lopez performoi gjatë muajve korrik dhe gusht të vitit 2025 në vende të ndryshme të Evropës, Azisë dhe Afrikës.
Pas përfundimit të turneut, ajo zhvilloi edhe 12 koncerte në Las Vegas, në sallën “The Colosseum” në Caesars Palace, nga dhjetori i vitit 2025 deri në mars të vitit 2026. /Telegrafi/
