Sergio Aguero beson se Manchester City vendosi të përqendrohej te transferimi i Enzo Fernandezit dhe për këtë arsye nuk e finalizoi një përpjekje të vonshme për të transferuar Cody Gakpon nga Liverpooli.
City raportohet se kishte shqyrtuar një marrëveshje surprizë për Gakpon në ditët e fundit të afatit kalimtar, ndërsa Liverpooli kërkonte rreth 85 milionë funte për sulmuesin holandez.
Në fund, Gakpo qëndroi në “Anfield”, ndërsa Enzo Fernandez iu bashkua Manchester Cityt për 125 milionë funte.
Aguero tha se mbajtja e lojtarëve të rëndësishëm është pozitive për çdo klub, sidomos kur ata ndihen mirë me trajnerin dhe rolin e tyre.
“Mbajtja e lojtarëve të mirë është gjithmonë pozitive. Ndonjëherë një lojtar mund të mos ndihet rehat në pozicionin e tij, me trajnerin apo në klub dhe atëherë dëshiron të largohet”.
Ai beson se Liverpooli bëri mirë që e mbajti Gakpon, nëse sulmuesi është i kënaqur me situatën e tij në klub.
“Por nëse Gakpo ndihet mirë me trajnerin dhe e kupton se çfarë kërkon trajneri prej tij, është e rëndësishme ta mbash. Liverpooli është një kundërshtar shumë i vështirë për t’u mposhtur, veçanërisht në ‘Anfield’”.
Aguero më pas dha versionin e tij për lëvizjet e Cityt në fund të afatit kalimtar, duke sugjeruar se klubi duhej të zgjidhte mes dy lojtarëve për shkak të çmimit të lartë të Fernandezit.
“Mbajtja e lojtarëve si Gakpo është e mirë për klubin. Mendoj se City po priste deri në momentin e fundit sa i përket Enzos. Çmimi i tij ishte shumë i lartë, kështu që duhej të zgjidhnin. Mendoj se ishte ose Enzo ose Gakpo dhe në fund zgjodhën Enzon”./Telegrafi/
