Përfaqësuesja e Polonisë largohet nga intervista pasi pyetet për fansat në Izrael

Përfaqësuesja e Polonisë në Eurovision, Alicja Szemplińska, është bërë pjesë e një situate të diskutueshme gjatë një interviste në kuadër të eventit.

Sipas një videoje që po qarkullon me të madhe në rrjet, ajo u pyet nga një gazetar izraelit nëse kishte një mesazh për fansat në Izrael, pyetje që erdhi pasi më herët ishte diskutuar edhe për këngëtarin Noam Bettan dhe këngën e Izraelit “Michelle”.

Lexo edhe nga Magazina

Princ Harry dhe Meghan Markle po përgatisin një film të ri për Netflix, bazuar në kujtimet nga lufta në Afganistan Princ Harry dhe Meghan Markle po zhvillojnë një film artistik me metrazh të gjatë për Netflix, të bazuar...

Szemplińska u përgjigj fillimisht se nuk e kishte dëgjuar këngën dhe se nuk e njihte artistin.

Megjithatë, kur u pyet nëse dëshironte t’u dërgonte një mesazh fansave izraelitë, ajo u ngrit dhe u largua nga intervista.

Më vonë, këngëtarja u rikthye dhe dha vetëm një përgjigje të përgjithshme duke përshendetur fansat e Eurovisionit, pa hyrë në detaje mbi situatën.

Ngjarja ka ngjallur reagime në rrjetet sociale, ndërsa mbetet një nga momentet më të komentuara të ditës rreth Eurovision 2026. /Telegrafi/