Liverpooli e fiton përballjen e çmendur të nëntë golave ndaj LASK-ut

Liverpooli ka shënuar fitore të thellë në udhëtim te LASK, në kuadër të xhiros së dytë në fazën e ligës të Ligës së Kampionëve.

“Reds” arkëtuan pikët e plota falë një fitore 3-6, sfidën dramatike ku u shënuan nëntë gola.

Ronald Araujo shënoi me kokë për të kaluar Liverpoolin në epërsi (22’), kurse dy minuta më vonë Bradley Barcola e dyfishoi avantazhin.

Lexo edhe nga Sport

Arsenali s’e ka harruar Julian Alvarezin, gati oferta marramendëse për janar Arsenali është gati të rikthehet në garë për Julian Alvarez, me sulmuesin argjentinas që raportohet se po shqyrton...

Ylli francez pastaj përfitoi nga asistimi i Florian Wirtz për të shënuar edhe golin e dytë personal, si dhe të tretin për mysafirët (37’).

Jeremie Frimpong u përkujdes për golin e katërt pas asistimit të Tsimikas (51’).

LASK-u pastaj dha shenja jete për të shënuar golin e parë përmes të inkuadruarit Ljubicic (63’), mirëpo tre minuta më vonë Barcola e kompletoi het-trikun (66’).

Golin e fitores e vulosi i riu Koumas me një finalizim të bukur (72’).

E tëra që bëri skuadra austriake ishte dy golat e fundit në ndeshje përmes Flecker që u asistua nga Dibango (74’, 77’).

Liverpooli me këtë fitore shkon në kuotën e gjashtë pikëve ndërsa LASK-u mbetet pa pikë./Telegrafi/