Kim Kardashian u gjend në një situatë të pazakontë gjatë një eventi për markën e saj Skims në Shangai, kur një fans i kërkoi të nënshkruante çantën e tij luksoze Hermes Birkin. Është një model vlera e të cilit vlerësohet në rreth 45,000 dollarë (39,600 euro).
Kardashianit iu dha një stilolaps metalik ari dhe iu kërkua të vendoste firmën e saj në mes të një çante të kuqe krokodili Birkin 35. Pamjet e këtij momenti u publikuan nga WWD, dhe reagimi i yllit të reality show tregoi se as ajo nuk ishte shumë e sigurt nëse duhej ta bënte vërtet.
“Kjo duket e paligjshme,” tha Kardashian ndërsa hezitoi para se të merrte një stilolaps. Pastaj shtoi, “O Zot i madh. Kjo është blasfemi”.
Edhe pse çanta e veçantë nga eventi ka detaje metalike të arta, një model pothuajse identik me detaje paladiumi ofrohet aktualisht në një shitës me pakicë të mallrave luksoze për 44,500 dollarë.
Lëvizja e pazakontë shkaktoi menjëherë një sërë reagimesh në rrjetet sociale. Një përdorues komentoi se situata ishte “plotësisht e çmendur”, ndërsa një tjetër bëri shaka se çanta mund të ishte false, por se firma e Kardashian mund ta rriste më tej vlerën e saj.
“Ai e di çfarë po bën. Vlera sapo u rrit. Burrë i zgjuar”, shkroi një përdorues.
Familja Kardashian është e njohur për koleksionet e saj të çantave luksoze Hermès. Nëna e saj, Kris Jenner, sipas WWD, dyshohet se zotëron pikërisht modelin e çantës në të cilën Kim la firmën e saj.
Për një fans që vendosi t’i kërkonte Kardashian një autograf, u krijua një suvenir mjaft i pazakontë – firma e yllit të reality show-t në njërën nga çantat më të shtrenjta që mund të gjenden në botën e modës luksoze. /Telegrafi/
