Alvarez merr një premtim nga Atletico Madridi, por i vendos një kusht

Julian Alvarez mund të largohet nga Atletico Madridi në të ardhmen, por klubi madrilen raportohet se i ka vendosur një kusht sulmuesit argjentinas.

Sipas gazetarit Pipi Estrada, presidenti i Atletico Madridit, Miguel Angel Gil Marin, i ka premtuar Alvarezit se do t’ia ulë klauzolën e largimit nëse ai shënon të paktën 20 gola gjatë këtij sezoni.

Lexo edhe nga Sport

“Kur ofron përsosmëri për 10 vjet, njerëzit shohin vetëm atë që nuk bën” – Mbappe u përgjigjet kritikave Kylian Mbappe u është përgjigjur kritikave për paraqitjet e tij pa top, duke thënë se pas viteve të...

Shuma e re e klauzolës nuk është bërë e ditur, ndërsa Alvarez ka kontratë me klubin deri në vitin 2030. Argjentinasi, i cili iu bashkua Atleticos nga Manchester City në vitin 2024, realizoi 20 gola në 49 paraqitje sezonin e kaluar, duke dhënë edhe nëntë asistime.

E ardhmja e tij ishte temë e rëndësishme gjatë verës, me Barcelonën dhe Arsenalin që u lidhën me një transferim të mundshëm. Megjithatë, Alvarez vazhdoi në La Liga.

Sulmuesi ishte titullar ndaj Liverpoolit në Ligën e Kampionëve dhe asistoi për golin e Marcos Llorentes, ndërsa më pas pësoi një kontraktim muskulor që e la jashtë ndeshjes ndaj Real Sociedadit.

Nëse arrin shifrën e 20 golave, situata e Alvarezit mund të bëhet sërish një nga temat kryesore të afatit kalimtar, me Barcelonën dhe Arsenalin që raportohet se po e monitorojnë situatën e tij. /Telegrafi/