KKSH: Prindërit të mos blejnë ende libra, pritet sigurimi i teksteve falas

Këshilli Kombëtar Shqiptar (KKSH) u ka bërë thirrje prindërve të nxënësve shqiptarë në Luginën e Preshevës që të mos nxitojnë t’i blejnë librat shkollorë, pasi procesi për sigurimin e tyre falas është në fazat e fundit.
Sipas KKSH-së, në bashkëpunim me Qeverinë e Republikës së Kosovës dhe shtëpinë botuese “Albas”, po punohet për përmbylljen e procesit dhe shpërndarjen e librave falas për nxënësit shqiptarë.
KKSH ka falënderuar Qeverinë e Kosovës për sigurimin e mjeteve financiare dhe “Albas” për bashkëpunimin, duke shprehur pritjen se së shpejti do të ketë një zgjidhje konkrete./BujanociNet/

Lexo edhe nga Vendore

Shqiprim Musliu: Bashkimi duhet të nisë në Bujanoc Kryetari i LPD-së, Shqiprim Musliu, ka deklaruar se është në favor të një liste të përbashkët shqiptare në...