Një sulm ndaj Aeroportit Ndërkombëtar “King Khalid” në Riad, kryeqytetin e Arabisë Saudite, të dielën pasdite shkaktoi të lënduar dhe një zjarr në një nga terminalet e pasagjerëve, njoftuan autoritetet saudite.
Koalicioni i udhëhequr nga Arabia Saudite bëri të ditur se një predhë e paidentifikuar goditi Terminalin 4 të aeroportit, duke shkaktuar një zjarr për shuarjen e të cilit u dërguan ekipet e emergjencës.
Zëdhënësi i koalicionit, gjeneral-majori Turki al-Malki, tha në një deklaratë të publikuar në platformën X se autoritetet përkatëse po reagonin ndaj incidentit, shkruajnë mediat e huaja, përcjell Telegrafi.
BREAKING:Multiple casualties after Houthi missile strikes passenger terminal 4 at Riyadh Airport.12 people were killed yesterday when a Houthi missile struck passenger terminal 3 https://t.co/cJSmJKmjIV
— Visegrád 24 (@visegrad24) October 11, 2026
Pak minuta më vonë, al-Malki njoftoi se mbrojtja ajrore saudite kishte përgjuar dhe shkatërruar një raketë në afërsi të aeroportit.
Më pas, Autoriteti i Përgjithshëm i Aviacionit Civil të Arabisë Saudite konfirmoi se sulmi kishte shkaktuar të lënduar, pa specifikuar menjëherë numrin e personave të prekur.
Autoriteti deklaroi se po vazhdonte të vlerësonte dëmet dhe të inspektonte objektet e aeroportit për të garantuar sigurinë e tyre.
Ndërkohë, ambasada indiane në Arabinë Saudite njoftoi të dielën se një shtetas indian, i cili ishte plagosur në një sulm ndaj të njëjtit aeroport një ditë më parë, kishte ndërruar jetë si pasojë e plagëve të marra.
“Mësohet se një shtetas indian, i plagosur në sulmin në Riad, fatkeqësisht ka humbur jetën sot. Ne u shprehim ngushëllimet tona të sinqerta familjes së të ndjerit”, thuhej në deklaratën e ambasadës të publikuar në X.
Incidentet e fundit vijnë në një kohë të përshkallëzimit të sulmeve ndaj aeroporteve saudite nga milicia Houthi e Jemenit, e mbështetur nga Irani.
U.S. Secretary of State Marco Rubio has released a statement condemning the recent Houthi attack against Saudi Arabia’s King Khalid International Airport, that killed 12, including an American, and injured 309. https://t.co/R6RASYg8kU
— OSINTdefender (@sentdefender) October 10, 2026
Në fillim të kësaj jave, Autoriteti i Përgjithshëm i Aviacionit Civil të Arabisë Saudite njoftoi se tre persona kishin humbur jetën dhe 36 të tjerë ishin plagosur në sulme të ndara që kishin në shënjestër Aeroportin Ndërkombëtar “King Khalid” në Riad dhe Aeroportin Ndërkombëtar “Abha” në jugperëndim të Mbretërisë.
Sulmet ndodhin ndërsa forcat qeveritare të Jemenit po avancojnë me një fushatë ushtarake për të rimarrë territoret e kontrolluara nga Houthi-t, me koalicionin e udhëhequr nga Arabia Saudite që premton mbështetje të vazhdueshme për qeverinë e Jemenit të njohur ndërkombëtarisht. /Telegrafi/
