Ministri i Jashtëm i Shqipërisë, Ferit Hoxha, ka reaguar ndaj deklaratave të zëvendëskryeministrit të Serbisë, Ivica Daçiq, i cili gjatë një fjalimi në Rashkë, më 7 tetor, deklaroi se “herët a vonë, flamuri serb do të valëvitet mbi Prizren”.
Hoxha i ka cilësuar deklaratat e tilla si retorikë nxitëse, duke paralajmëruar se ato nuk mund të trajtohen thjesht si fjalë të përdorura për përfitime politike, pasi mund t’u japin zemër personave të gatshëm t’i shndërrojnë kërcënimet në veprime.
Në një reagim të publikuar në rrjetin social “X”, kryediplomati shqiptar ka përmendur sulmin terrorist në Banjskë, duke theksuar se mungesa e llogaridhënies së plotë mbetet një kujtesë e qartë e rreziqeve që sjellin deklaratat nxitëse.
“Një ministër serb, gjatë fushatës, i premtoi audiencës së tij se ‘do ta ngrinte sërish flamurin e tyre’ në Kosovë. Një gjuhë e tillë nxitëse mund të shpërfillej si retorikë politike, po të mos ekzistonte rreziku shumë real që ajo t’u jepte zemër atyre që janë të gatshëm të veprojnë në përputhje me të. Këtë e kemi parë edhe më parë, shumë herë”, ka shkruar Hoxha.
Ai ka theksuar se Shqipëria mbështet marrëdhëniet e fqinjësisë së mirë, bashkëpunimin rajonal dhe përpjekjet për pajtim, por ka paralajmëruar se këto synime nuk mund të arrihen përderisa vazhdojnë të mohohen realitetet politike dhe të përdoret retorika kërcënuese.
“Por nuk mund të ketë bashkëpunim të qëndrueshëm rajonal përderisa realitetet mohohen, vihet në pikëpyetje legjitimiteti i fqinjëve ose përdoret retorika kërcënuese për përfitime politike”, ka deklaruar ai.
Hoxha ka rikujtuar se Ballkani Perëndimor e njeh mirë pasojat e përçarjes, nacionalizmit dhe gjuhës nxitëse, duke theksuar se gabimet e së kaluarës nuk duhet të përsëriten.
“Republika e Kosovës është një realitet i pakthyeshëm. Ajo është një shtet sovran dhe demokratik, pjesë e barabartë e rajonit tonë dhe një vend që po e konsolidon vazhdimisht vendin e tij në komunitetin evropian dhe ndërkombëtar”, ka shkruar ministri shqiptar.
Ai ka shtuar se Kosova është shtëpi e të gjithë qytetarëve të saj, pavarësisht përkatësisë etnike, dhe se e ardhmja e saj duhet të karakterizohet nga paqja, siguria, përfshirja dhe integrimi evropian.
“Shqipëria ka qëndruar pranë Kosovës dhe do të vazhdojë ta mbështesë atë në çdo mënyrë të mundshme”, ka përfunduar Hoxha.
Deklarata e Daçiqit në Rashkë, ku ai paralajmëroi se flamuri serb do të valëvitet mbi Prizren, është një tjetër rast i retorikës nacionaliste nga zyrtarë të lartë të Serbisë ndaj Kosovës./Telegrafi/
A Serbian minister, while campaigning, promised his audience that “he would once again raise their flag” in Kosovo.Such inflammatory language might be brushed aside as political posturing were it not for the very real danger of emboldening those prepared to act on it. We have seen this before, too many times. #Banjska, where full accountability remains outstanding, stands as a stark reminder of what can happen when words become actions.#Albania remains firmly convinced that the only path forward, however difficult, lies in good neighbourly relations, regional cooperation, and genuine efforts to heal the wounds of the past and advance towards reconciliation.But there can be no sustainable regional cooperation while realities are denied, the legitimacy of neighbours is questioned, or threatening rhetoric is used for political gain.Building peace and trust takes time, often years, if not decades. It requires vision, courage, determination, and sustained commitment. #Europe itself was built on recognition, dialogue, mutual respect, and solidarity, not on denial, intimidation, or nostalgia for the past.In the #WesternBalkans, we know all too well where division, nationalism, and inflammatory rhetoric can lead. We cannot afford to forget those lessons, let alone repeat them. The Republic of #Kosova is an irreversible reality. It is a sovereign, democratic state, an equal part of our region, and a country steadily consolidating its place in the European and international community. It is home to all its citizens, regardless of ethnicity, and its future must be one of peace, security, inclusion, and European integration.Albania has stood by #Kosova and will continue to support it in every possible way.We see this not only as a commitment rooted in our close bonds, but also as a strategic investment in our shared #European future and in the peace, security, and prosperity of the entire region.
— Ferit Hoxha🇦🇱 (@HoxhaFer) October 11, 2026
