Aktorja e njohur, Anne Hathaway, ka shprehur entuziazmin e saj për filmin më të fundit të Tom Cruise, “Digger”, duke e vlerësuar me pesë yje në platformën Letterboxd.
Hathaway, e cila e përdori për herë të parë platformën për të dhënë një vlerësim publik për një film, e përshkroi “Digger” si një vepër të zgjuar, surrealiste, agresive, ambicioze dhe me shumë humor.
“Ky film brilant më mahniti. Është i zgjuar, surreal, agresiv, qesharak dhe ambicioz. Ia vlen t’i kushtoni kohë dhe ta shihni për të krijuar mendimin tuaj. Për mua është 10 nga 10”, ka shkruar aktorja.
– YouTube www.youtube.com
Filmi ka mbërritur tashmë në kinema dhe deri tani ka arkëtuar rreth 8 milionë dollarë.
“Digger” është një film satirik i realizuar nga Tom Cruise në bashkëpunim me regjisorin meksikan Alejandro González Inarritu.
Në Letterboxd, filmi ka një vlerësim mesatar prej 3.8 nga 5 yje, bazuar në më shumë se 2,300 vlerësime nga përdoruesit.
Pavarësisht vlerësimeve pozitive, filmi është përshkruar nga disa shikues si një produksion “guximtar dhe ambicioz”, por njëkohësisht edhe “konfuz”.
Ndërkohë, Anne Hathaway dhe Tom Cruise pritet të bashkëpunojnë së shpejti për herë të parë në një tjetër projekt të madh.
Dy aktorët do të jenë pjesë e vazhdimit të filmit të Cruise, “Days of Thunder”, të vitit 1990, ndërsa premiera është planifikuar për vitin 2028. /Telegrafi/
