Të hënën në Kuvend dorëzohet peticioni “Për një Ferizaj pa “Urosevac”

Iniciatori i peticionit “Për një Ferizaj pa ‘Urosevac’”, Bashkim Fazliu ka bërë të ditur se të hënën, më 28 shtator do ta dorëzojnë peticionin në Kuvendin e Kosovës.

Ai tha se peticioni do të dërgohet në Kuvendin e Kosovës për shqyrtim dhe miratim, në një ditë të shënuar për Ferizajn, 28 shtatori, që është Dita e dëshmorëve të UÇK-së në Ferizaj.

Lexo edhe nga Nacionale

Stradner: Regjimi i Vuçiqit drejt zgjedhjeve, ndërsa Qeveria serbe merr pjesë në panel në Rusi Ekspertja për siguri dhe marrëdhënie ndërkombëtare, Ivana Stradner, ka komentuar zhvillimet politike në Serbi në prag të zgjedhjeve...

“Këtë herë ju ftoj që ta mbuloni sërish këtë ngjarje me përmbylljen e fazës së parë, dorëzimin e Peticionit të 14,140 qytetarëve të Ferizajt PËR NJË FERIZAJ PA “UROSEVAC” në Kuvend të Kosovës për shqyrtim dhe miratim”, thuhet në njoftim,

Dorëzimi i Peticionit do të bëhet me 28 shtator 2026, e hënë, në ora 10:00.

Ky peticion ka nisur më 18 korrik 2026, ndërkaq, janë nënshkruar 14,140 qytetarë të Ferizajt. /Telegrafi/