Pretendime për largime në LDK, reagojnë zyrtarët e kësaj partie: Janë “fake news”

Pas dështimit të zgjedhjes së presidentit dhe shkuarjes në zgjedhje, janë raportuar për disa dorëheqje nga Lidhja Demokratike e Kosovës (LDK).

Por këto pretendime janë mohuar nga vetë përfaqësues të partisë dhe figura të saj, të cilat janë cilësuar si të pavërteta

Lexo edhe nga Nacionale

Vrasja e trefishtë në Gjilan, të dyshuarit ende në arrati, IPK-ja duke hetuar zyrtarët policor Anëtarët e familjes Shkodra, të kërkuar për vrasje të rëndë, janë ende të pakapshëm për institucionet e drejtësisë....

Në mesin e personave që u raportua se janë dorëhequr nga LDK ishin Gazmend Muhaxheri e Kujtim Shala.

Mirëpo një gjë të tillë e ka mohuar Kujtim Shala. Ai ka hedhur poshtë informacionet që qarkullonin duke theksuar se mbetet pjesë e subjektit politik.

Ndërkohë edhe anëtari i kryesisë së LDK-së, Berat Rukiqi ka reaguar ndaj këtyre raportimeve duke i cilësuar si “lajme të rreme”, dhe duke theksuar se nuk ka ndarje dhe se në LDK po ndodh një bashkim më i gjerë i së djathtës.

“FAKE NEWS – Ndarje e Kuvende të reja në LDK, FACT- Bashkimi i madh i së djathtës po ndodh”, ka shkruar Rukiqi. /Telegrafi/