Platforma vendore sjell në një vend profilet e mjekëve dhe klinikave, kontaktet dhe lokacionet e tyre, që qytetarët ta gjejnë më lehtë profesionistin që kërkojnë dhe të dinë ku të drejtohen.
Kur të duhet një mjek, pyetjet e para zakonisht janë të thjeshta: kush merret me shqetësimin që ke, ku punon, si kontaktohet dhe ku ndodhet klinika?
Përgjigjet, megjithatë, nuk gjenden gjithmonë në një vend. Këtë kërkim synon ta thjeshtojë GjejeMjekun.com, platforma vendore për mjekë, specialistë, klinika dhe shërbime shëndetësore në Kosovë.
GjejeMjekun.com është një platformë për kërkimin dhe prezantimin e specialistëve shëndetësorë dhe klinikave në Kosovë. Në vend se përdoruesi të kërkojë veçmas emrin, numrin e telefonit dhe adresën, platforma synon t’ia japë të dhënat kryesore brenda një profili të vetëm. Qëllimi nuk është të zëvendësohet mjeku apo të jepet diagnozë në internet. GjejeMjekun e bën më të lehtë hapin e parë: ta gjesh profesionistin që po kërkon dhe ta dish si ta kontaktosh.
Kërkimin mund ta nisësh me emrin e mjekut, specialistin, klinikën, shërbimin shëndetësor apo qytetin. Kjo të ndihmon si kur e di saktësisht kë po kërkon, ashtu edhe kur dëshiron të shohësh cilët profesionistë ose klinika gjenden në qytetin tënd. Kur e hap profilin, mund t’i shohësh të dhënat e publikuara për profesionistin ose klinikën: fushën e punës, shërbimet, kontaktin dhe lokacionin. Nëse kontakti është i vendosur në profil, mund të telefonosh ose të dërgosh email. Nëse është publikuar lokacioni, mund ta hapësh adresën në hartë dhe të shohësh se ku ndodhet klinika.
Një listë me emra nuk mjafton nëse qytetari ende duhet të kërkojë diku tjetër për numrin e telefonit apo adresën. Prandaj GjejeMjekun.com përqendrohet te të dhënat që i duhen përdoruesit për të bërë hapin e ardhshëm. Kjo është veçanërisht e dobishme në telefon, kur kontakti dhe lokacioni duhet të hapen shpejt. Platforma është ndërtuar që kërkimi, profili dhe mënyrat e kontaktit të jenë të qasshme edhe kur je në lëvizje.
Në GjejeMjekun.com, profilet e verifikuara dallohen qartë. Verifikimi nuk blihet dhe nuk jepet vetëm pse është krijuar një profil. Ai lidhet me kontrollin e identitetit, kontakteve, lidhjes me klinikën dhe, kur kërkohet, dokumenteve profesionale. Kur një profil ende nuk është konfirmuar, kjo paraqitet hapur. Kështu, përdoruesi e kupton statusin e të dhënave që po sheh dhe mund t’i konfirmojë detajet drejtpërdrejt me profesionistin ose klinikën.
GjejeMjekun.com u shërben edhe profesionistëve shëndetësorë. Mjekët dhe klinikat mund të kërkojnë krijimin, përditësimin ose verifikimin e profilit të tyre dhe t’i paraqesin shërbimet, kontaktet dhe lokacionet ku punojnë. Një profil i plotë ua bën më të lehtë qytetarëve t’i gjejnë të dhënat e sakta, ndërsa mjekëve dhe klinikave u mundëson ta paraqesin punën e tyre qartë dhe në mënyrë profesionale.
Krijimi i një pasqyre sa më të plotë të mjekëve dhe klinikave kërkon kohë. Gjejemjekun.com po shton profile dhe po përmirëson të dhënat gradualisht, qytet pas qyteti. Edhe qytetarët mund të propozojnë një mjek ose klinikë që mungon. Çdo propozim kalon në shqyrtim dhe nuk merr automatikisht statusin e profilit publik ose të verifikuar. Synimi është i thjeshtë: kur dikush në Kosovë kërkon mjek apo klinikë, të ketë një vend të qartë nga ku mund ta nisë kërkimin, ta gjejë kontaktin dhe ta hapë lokacionin.
Kërko mjekun, specialistin ose klinikën në www.gjejemjekun.com
