Për herë të parë në 14 vjet, Apple lë pas Samsung

Apple do të dërgojë më shumë celularë sesa Samsung në 2025 dhe kjo është hera e parë në 14 vite.
Kompania do të dërgojë rreth 243 milionë iPhone këtë vit, kurse Samsung 235 milionë. Me gjasë, Apple do të arrijë 19.4% aksione në tregun global të celularëve, kurse Samsung 18.7%.
Dërgesat i referohen numrit të pajisjeve që kompania u dërgon kanaleve të shitjes dhe nuk barazohet direkt me shitjet.
Megjithatë, janë tregues të kërkesës dhe pritshmërive për shitjet.
Pas suksesit të Apple qëndron iPhone 17 që doli në shtator, i cili ka pasur një rritje të kërkesës gjatë këtij sezoni.
Shitjet e gjeneratës së iPhone 17 në SHBA, përfshirë iPhone Air, në katër javët e para pas prezantimit ishte 12% më i lartë sesa iPhone 16.
Në të njëjtën periudhë, në Kinë, një treg i rëndësishëm për Apple, shitjet e iPhone 17 ishin 18% më të larta sesa modeli paraaardhës.
Duhet theksuar se një pikë e rëndësishme është që konsumatorët që blenë celularë gjatë periudhës së Covid-19, tani po i zëvendësojnë me modelet e reja.
Ndërkohë Samsung mund të përballet me sfida në tregun e celularëve për shkak të kompanive kineze që mund ta pengojnë prodhuesin korean të arrijë në vendin e parë./tvklan.al
The post Për herë të parë në 14 vjet, Apple lë pas Samsung appeared first on Arbresh.info.