Osmani: Sakrifica e Pajazitit, Zejnullahut dhe Hoxhës ndërtoi themelet e Kosovës

Presidentja e Kosovës, Vjosa Osmani ka bërë homazhe me rastin e 29-vjetorit të rënies heroike të heronjve Hakif Zejnullahu, Zahir Pajaziti dhe Edmond Hoxha, raporton Ekonomia Online.
Osmani tha se sakrifica e tyre ka ndërtuar themelet e Kosovës.
“31 janari është një prej ditëve më me peshë në historinë e Republikës së Kosovës, është një prej ditëve më frymëzuese për rritjen e Ushtrisë Çlirimtare të Kosovës dhe është po ashtu një prej ditëve më frymëzuese për gjithë popullin e Kosovës që luftoi për liri. Në këtë ditë ranë Zahir Pajaziti, Hakif Zejnullahu, Edmond Hoxha, të tre heronj të Republikës së Kosovës, duke dhënë kështu kumtin e lirisë dhe duke inspiruar një popull të tërë që të luftojë për lirinë që na ishte mohuar me shekuj. Natyrisht që kjo sakrificë e tyre ka dhënë themelet e forta të Republikës së Kosovës, themelet në të cilat edhe sot qëndron shteti ynë sovran, i pavarur, i cili u ndërtua me gjak, i cili u ndërtua me mund dhe me shumë sakrifica, ndër sakrificat më të rëndësishme që vërtet i dhanë peshë lirisë sonë dhe i japin dritë rrugës sonë përpara ishte edhe sakrifica e Zahir Pajazitit me shokë të cilët i kujtojmë sot“, tha ajo.

Lexo edhe nga Nacionale

Qytetari që pastron fshatin prej 10 vitesh gjobitet nga Policia Një qytetar nga fshati Volljakë në Klinë, i cili prej më shumë se një dekade pastron vullnetarisht ambientin...