Klestor Veseli thotë se s’ka marrë ftesë për takim nga Haxhiu

Klestor Veseli, djali i Kadri Veselit, ka marrë pjesë edhe sonte në protestën në mbështetje të ish-krerëve të Ushtrisë Çlirimtare të Kosovës.

Gjatë protestës, ai është pyetur nga mediat nëse ka marrë ndonjë ftesë nga Presidenca e Kosovës për takim, pas raportimeve se familjet e ish-krerëve të UÇK-së mund të ftohen për takim pas aktgjykimit të Gjykatës Speciale.

Lexo edhe nga Nacionale

Mijëra qytetarë protestojnë në Prishtinë në mbështetje të ish-krerëve të UÇK-së Mijëra qytetarë janë mbledhur të enjten mbrëma, më 17 shtator, në sheshin “Skënderbeu” në Prishtinë, në mbështetje të...

Veseli e ka mohuar shkurtimisht se ka marrë ndonjë ftesë të tillë.

“Unë personalisht jo”, ka deklaruar ai para mediave.

Raportimet për një takim të mundshëm me familjarët e ish-krerëve të UÇK-së kanë ardhur pas aktgjykimit të shkallës së parë ndaj Hashim Thaçit, Kadri Veselit, Rexhep Selimit dhe Jakup Krasniqit.

Klestor Veseli ka qenë i pranishëm edhe në protestat e ditëve të fundit, të organizuara në kundërshtim të aktgjykimit të Dhomave të Specializuara në Hagë. /Telegrafi/