Ortekë dëbore në aksin Qafë Thore – Theth, bllokohet plotësisht rruga

Aksi rrugor Qafë Thore-Theth është bllokuar plotësisht, pas rënies së ortekëve të dëborës në zonën pranë tuneleve panoramike.
Përmes një njoftimi në rrjetet sociale, Autoriteti Rrugor Shqiptar bën të ditur se ortekët e dëborës kanë rënë rreth kilometrit 5.5 të këtij aksi. Po ashtu në njoftim bëhet e ditur se për arsye sigurie, qarkullimi do të qëndrojë i mbyllur për të gjitha automjetet, përfshirë edhe mjetet borëpastruese, pasi zona paraqet rrezik të lartë për kalim.
Ndërkohë bëhet e ditur gjithashtu se në afërsi të zonës së rrezikuar, po punohet për largimin e ortekëve të vegjël dhe për zgjerimin e e pjesës kaluese, si punë përgatitore për ndërhyrjen në zonën e bllokuar.
Njoftim i rëndësishëm për qarkullimin:
Si pasojë e rënies së ortekëve në zonën pranë tuneleve panoramike, rreth km 5.5 të aksit Qafë Thore-Theth, rruga është bllokuar plotësisht. Për arsye sigurie, qarkullimi do të qëndrojë i mbyllur për të gjitha automjetet, përfshirë edhe mjetet borëpastruese, pasi zona paraqet rrezik të lartë për kalim.
Ndërkohë, në afërsi të zonës së rrezikuar, po punohet për largimin e ortekëve të vegjël dhe për zgjerimin e e pjesës kaluese, si punë përgatitore për ndërhyrjen në zonën e bllokuar. U bëjmë thirrje drejtuesve të mjeteve të respektojnë sinjalistikën, të shmangin këtë aks dhe të ndjekin njoftimet zyrtare për përditësime të mëtejshme./A2 CNN

Lexo edhe nga Nacionale

​Vuçiq kërcënon një ditë para Vidovdanit me ushtri, thotë se nuk heqin dorë nga Kina e Rusia Presidenti i Serbisë, Aleksandër Vuçiq ka paralajmëruar se ushtria serbe është arsyeja pse askush nuk guxon ta sulmojë...