Misteri i testamentit të Pippo Baudos, çfarë ndodhi me paratë?

Pippo Baudo
Tre muaj pas hapjes së testamentit të Pippo Baudos, trashëgimia e tij vijon të mbetet në pezull. Sipas Il Fatto Quotidiano, asnjë nga trashëgimtarët, Tiziana, vajza e lindur nga martesa me Angela Lippi-n; Alessandro, i lindur nga marrëdhënia me Mirella Adinolfi; dhe as Dina Minna, asistentja e tij historike, nuk ka pranuar ende trashëgiminë.
Dyshimet lidhen me vlerën e pasurisë së deklaruar, rreth 10 milionë euro, një shumë që konsiderohet “shumë e ulët” krahasuar me karrierën e gjatë dhe të ardhurat e mëdha të prezantuesit legjendar. Sipas thashethemeve, pasuria e deklaruar mezi do të mbulonte honorarët e tij për 13 edicionet e Festivalit të Sanremos.
Sipas verifikimeve të mëvonshme nga Open, vetëm pasuritë e paluajtshme të Baudos vlerësohen rreth 6 milionë euro, përfshirë apartamente në qendër të Romës, ambiente pune në Prati dhe toka në Sicili e Lazio. Ndër vite ai ka shitur edhe disa prona të rëndësishme, si një vilë në Morlupo dhe një shtëpi në Sardenjë.
Pavarësisht kësaj, mbetet e paqartë pse një procedurë që normalisht do të duhej të ishte mbyllur, është ende e hapur dhe në shqyrtim, duke shtuar misterin mbi trashëgiminë e Pippo Baudo-s.
comment

Lexo edhe nga Magazina

“Soni shkon në klube, unë në festivale”, Jonida Maliqi: Kemi arsimim dhe jetesë të ndryshme, ka harruar fitoret e mia Përplasjet mes dy këngëtareve Jonida Maliqi dhe Soni Malaj janë bërë të dukshme brenda “Ferma VIP”, duke nxitur...