Kujtim Shala zgjidhet nënkryetar i Kuvendit me 75 vota

Kuvendi i Kosovës ka nisur vazhdimin e seancës konstituive, ndërsa në sallë ishin të pranishëm 82 deputetë.

Pas hapjes së punimeve nga kryetarja e Kuvendit, Albulena Haxhiu, ajo ka bërë të ditur se Partia Demokratike e Kosovës (PDK) nuk është e pranishme për të paraqitur propozimin e saj për nënkryetar, ndonëse, sipas saj, ishte e njoftuar për seancën.

Lexo edhe nga Nacionale

Konjufca: Nderimi i Mlladiqit, turp i thellë moral dhe politik Zëvendëskryeministri i Parë dhe ministri në detyrë i Punëve të Jashtme dhe Diasporës, Glauk Konjufca, ka reaguar ndaj...

Haxhiu tha se kjo është hera e tretë që PDK nuk mer pjesë në seancë për të paraqitur kandidatin e saj për pozitën e nënkryetarit.

“Kuvendi nuk mund të mbetet peng i asnjë subjekti politik. Vazhdojmë me propozimin e LDK-së”, ka deklaruar Haxhiu.

Më pas, në votim është hedhur kandidatura e Lidhjes Demokratike të Kosovës (LDK) për nënkryetar të Kuvendit, Kujtim Shala.

Shala është zgjedhur nënkryetar me 75 vota për, 1 kundër dhe 4 abstenime. /Telegrafi/