Shala pas zgjedhjes nënkryetar: Qëndrimin e ndryshoi LVV-ja, jo unë

Deputeti i LDK-së, Kujtim Shala, i zgjedhur nënkryetar i Kuvendit të Kosovës nga radhët e Lidhjes Demokratike të Kosovës, ka thënë se ndryshimi i qëndrimit për konstituimin e Kuvendit ka ardhur nga Lëvizja Vetëvendosje dhe jo nga ai apo LDK-ja.

Në një prononcim për Telegrafin, Shala tha se LVV-ja duhet të japë shpjegime për arsyen e ndryshimit të qëndrimit të saj.

Lexo edhe nga Nacionale

Shqipëria dhe firma amerikane nënshkruajnë memorandum për vlerësimin e ndërtimit të një terminali për gazin LNG Zhvilluesi amerikan i projekteve të LNG-së, Argent LNG, njoftoi të mërkurën se e ka nënshkruar një memorandum mirëkuptimi...

“Qëndrimin e ka ndryshuar Lëvizja Vetëvendosje dhe jo unë. Është Lëvizja Vetëvendosje ajo që duhet të japë shpjegime se pse e ka ndryshuar qëndrimin”, tha Shala.

Ai theksoi se zhvillimet e fundit dëshmuan, se LDK-ja nuk e ka bllokuar në asnjë moment procesin e konstituimit të Kuvendit.

“Po ashtu, u dëshmua që LDK-ja nuk e ka bllokuar në asnjë moment konstituimin e Kuvendit”, u shpreh Shala.

I pyetur nëse do të ndryshoj qëndrim sa i përket çështjes së presidentit, Shala u përgjigj shkurt “nuk e kam ndryushuar qëndrimin”.

Shala u zgjodh sot nënkryetar i Kuvendit të Kosovës nga radhët e LDK-së, në kuadër të procesit të konstituimit të Legjislaturës së 11-të.

LVV-ja tha të shtuënën se pas një mbledhjeje të brendshme kishin vendosur që sot t’i votonin kandidatët e PDK-së dhe LDK-së për nënkryetarë të Kuvendit./Telegrafi/