“E keqja është se ajo që fëmijët mund…” – Reagimi i parë i David Beckham pas akuzave të djalit të tij

Problemet në familjen e famshme, Beckham, duket se nuk kanë fund! David ka reaguar për herë të parë pas postimeve të bujshme të djalit të tij, Brooklyn, në “Instagram”.
Ai akuzon prindërit e tij për përpjekje për të dëmtuar marrëdhënien me bashkëshorten e tij, Nicola Peltz Beckham.
Gjatë një interviste në programin financiar të CNBC-së, Squawk Box, të martën, 20 janar, Beckham, 50 vjeç, foli për përdorimin e rrjeteve sociale dhe ndikimin e tyre tek shëndeti mendor, duke theksuar se fëmijët mund të bëjnë gabime.
“Gjithmonë kam folur për fuqinë e rrjeteve sociale, për të mirën dhe të keqen,” tha Beckham, duke shtuar: “E keqja është se ajo që fëmijët mund të shohin sot mund të jetë e rrezikshme. Por unë kam përfituar personalisht duke përdorur platformën time për UNICEF, për të ndihmuar fëmijët në mbarë botën.”
Ai shtoi se është përpjekur përpjekur të edukojë fëmijët e tij, Brooklyn, 26 vjeç, Romeo, 23, Cruz, 20, dhe Harper, 14, duke i lejuar të mësojnë nga gabimet e tyre.
“Fëmijët bëjnë gabime, por kjo është mënyra si mësojnë. Ndonjëherë duhet t’i lejojmë të bëjnë ato gabime,” tha Beckham.
Komentet e tij vijnë pas një serie postimesh emocionale të Brooklyn, i cili akuzoi David dhe Victoria Beckham se kishin përhapur “gënjeshtra të panumërta” dhe përpjekje për të minuar martesën e tij me Nicola.
Brooklyn gjithashtu pretendoi se prindërit përpiqeshin ta “nënshtronin” për të hequr të drejtat mbi emrin e tij dhe se Victoria ndërhynte në momentet e tij private, duke përfshirë vallëzimin në dasmën e tij.
David, megjithatë, u fokusua te mesazhi i përgjegjësisë dhe edukimit: “Fëmijët kanë të drejtë të bëjnë gabime, dhe ne si prindër duhet t’i udhëzojmë, jo t’i gjykojmë.”
comment

Lexo edhe nga Magazina

Do ta lije Gimbon për famën? Selin Bollati befason me përgjigjen E ftuar në emisionin “Ndryshe” në Top Albania Radio me Salsano Rrapin dhe Elona Duron, fituesja e edicionit...