Kimi Antonelli ka fituar Çmimin e Madh të Spanjës, duke regjistruar fitoren e tetë në sezonin 2026 të Formula 1.
Piloti i Mercedesit triumfoi para Max Verstappenit dhe Lando Norrisit, duke e zgjeruar edhe më shumë epërsinë në krye të kampionatit.
Norris e nisi garën nga pole-positioni dhe kontrolloi pjesën e parë, por gjithçka ndryshoi pas aktivizimit të Virtual Safety Car. Antonelli përfitoi strategjikisht, ndërsa Norris humbi kohë gjatë ndalesës në bokse.
Charles Leclerc kryesoi për një pjesë të garës, por pasi u fut në bokse, Antonelli mori kryesimin dhe nuk e lëshoi deri në fund.
Gara ishte katastrofale për Lewis Hamiltonin, i cili u tërhoq herët për shkak të problemeve me frenat.
