Vazhdon asfaltimi në Topanicë dhe Karaçevë të Epërme në Kamenicë

Komuna e Kamenicës ka bërë të ditur se po vazhdon investimet në infrastrukturë në Topanicë dhe Karaçevë të Epërme.

Kryetari i Komunës së Kamenicës, Kadri Rahimaj, së bashku me Drejtorin e Investimeve Kapitale, Blerim Murina, Kryesuesen e Kuvendit Komunal, Arbnore Beqiraj-Fera, drejtorin Zotrim Kastrati dhe stafin komunal, ka vizituar punimet që po zhvillohen në këto dy lokalitete.

Në Topanicë është duke vazhduar asfaltimi i rrugëve, si pjesë e vazhdimit të një projekti të mëparshëm, me vlerë prej 203 mijë eurosh.

Lexo edhe nga Rajon

Pensionistët kërkojnë rritje lineare të pensioneve për të gjithë Pensionistët sot do t’i kërkojnë ministrit për politikë sociale, demografi dhe të rinj, Gjoko Velkovski, që rritjet e...

Sipas Komunës, janë asfaltuar “Rruga e Lugit të Demës”, “Rruga Mulla Rexhepi” dhe “Rruga Jakup Jakupi”.

Komuna ka deklaruar se këto investime synojnë përmirësimin e infrastrukturës rrugore dhe krijimin e kushteve më të sigurta dhe më të përshtatshme për banorët.

Ndërkaq, në Karaçevë të Epërme janë realizuar punime për rregullimin e trotuarit dhe varrezave, me vlerë prej 113 mijë e 996 eurosh.

Sipas njoftimit, investimi ka për qëllim sistemimin dhe përmirësimin e kësaj hapësire me rëndësi për komunitetin.

Gjatë vizitës, kryetari Rahimaj ka bashkëbiseduar edhe me qytetarët, ndërsa është shprehur i kënaqur me realizimin e projekteve.

Ai ka premtuar se Komuna e Kamenicës do të vazhdojë investimet në infrastrukturë dhe përmirësimin e hapësirave publike, me synim krijimin e kushteve më të mira dhe ngritjen e cilësisë së jetës për qytetarët në të gjitha lokalitetet e komunës. /Telegrafi/