Trajneri Luciano Spalletti ka dhënë lëvdata dhe njëkohësisht e ka kritikuar Edon Zhegrovën pavarësisht paraqitjes pozitive ndaj Sassuolos.
Ylli i Kosovës realizoi dy gola në humbjen 3-2 nga Sassuolo, për të qenë lojtari më i mirë i ndeshjes.
Megjithatë, Spalletti e ka kritikuar se e mban shumë topin dhe që nuk ia pasoi Kolo Muanit në një situatë.
“Zhegrova e ka këtë kualitet: Bëhet i pandalshëm dhe i paparashikueshëm kur krijon ato situata një kundër një në hapësira të ngushta”.
“Ndonjëherë e mban shumë topin. Sot nuk e kompletoi një pasim te Kalulu, i cili mund të shkonte deri te porta”.
“Pastaj ndoshta e humb një top të lehtë dhe nuk bën atë që duhej të bënte për ta rifituar, por nëse e luan një futboll sulmues, Zhegrova është lojtar i jashtëzakonshëm”, deklaroi ai.
Ndërkohë, mbetet ende e paqartë nëse Zhegrova do të ftohet nga Kosova për katër ndeshjet e Ligës së Kombeve, me raportimet e para që Franco Foda nuk e ka ftuar./Telegrafi/
