Nuk mjafton dygolëshi i Edon Zhegrovës, Sassuolo e mund Juventusin

Ylli i Kosovës Edon Zhegrova më në fund ka dhuruar spektakël në Serie A për të shënuar dy gola, megjithatë Sassuolo në fund i mori pikët e plota.

Edhe pse u inkuadrua në minutën e 60-të, Zhegrova realizoi dy gola të bukur, sidoqoftë Sassuolo realizoi në “frymën e fundit” për të fituar me rezultat 3-2 në shtëpi.

Pjesa e parë përfundoi me rezultat 0-0 ngase asnjëra nga skuadra nuk ia doli t’i konkretizojë rastet.

Lexo edhe nga Sport

Rikthehet Liga e Kampionëve – favoritët kryesorë dhe lojtarët që duhen ndjekur Liga e Kampionëve rikthehet këtë javë me përballje të mëdha dhe pritshmëri të larta për një tjetër sezon...

Sassuolo pastaj kaloi në epërsi falë Sebastiano Esposito pas një aksioni të shpejtë.

Sidoqoftë, Juventusi u këndell falë Edon Zhegrovës, i cili dribloi mbrojtësin dhe pastaj mposhti Aro Mmuricin (82’).

Shtatë minuta më vonë Sassuolo e riktheu epërsinë përmes Kieron Boëie pas një aksioni fantastik (89’).

Megjithatë, dy minuta më vonë – Zhegrova dhuroi spektakël. Një tjetër driblim dhe me një goditje të fuqishme e mposhti prapë Muric për ta bërë rezultatin 2-2 (90+1’).

Mirëpo, fati ishte në anën e Sassuolos për të shënuar sërish në minutën e fundit përmes Vasilije Adzic (90+5’).

Kësisoj, Juventusi tani zë vendin e tetë me shtatë pikë, aq sa mbledhë edhe Sassuolo./Telegrafi/