Kryetari i Komunës së Bujanoc, Arbër Pajaziti, ka pritur sot në një takim lojtarët dhe drejtuesit e KF Besa Bujanoc, pas shpalljes kampion në Ligën Rajonale të Futsallit.
Gjatë takimit, Pajaziti i ka përgëzuar futbollistët për sezonin e jashtëzakonshëm dhe rezultatet e arritura, duke vlerësuar angazhimin, disiplinën dhe paraqitjet e ekipit gjatë gjithë kampionatit.
Ai ka theksuar se suksesi i KF “Besa” është krenari për Bujanocin dhe shembull pozitiv për sportin dhe të rinjtë e qytetit.
Po ashtu, është shprehur gatishmëria që pushteti lokal të vazhdojë mbështetjen ndaj klubit edhe në sfidat e ardhshme, pas ngritjes në një nivel më të lartë garash.
KF “Besa” e mbylli sezonin me bilanc maksimal dhe paraqitje mbresëlënëse, duke siguruar titullin kampion në mënyrë dominante./BujanociNet/
