Në një lajm që ka prekur thellë komunitetin dhe familjarët, është bërë e ditur se Arif Abazi, i njohur si babai i dëshmorit të kombit Artan Abazi nga Miratoca, ka ndërruar jetë, njofton BujanociNet.
Arif Abazi njihej për lidhjen e thellë me djalin e tij Artanin, i cili ra heroikisht si pjesëtar i Ushtrisë Çlirimtare për Preshevë, Bujanoc e Medvegjë (UÇPMB) gjatë konfliktit të vitit 2001, në fshatin Lluçan, dhe prej vitesh ishte pjesë e përkujtimit të sakrificës së tij.
Lajmi për ndarjen nga jeta të Arif Abazit u bë i ditur nga familjarët e tij, duke lënë një ndjesi të thellë pikëllimi tek miqtë, bashkëpunëtorët dhe gjithë ata që e njohin kontributin e shquar të familjes Abazi në përkujtimin e dëshmorëve të kombit.
Redaksia jonë i shpreh ngushëllimet më të sinqerta për familjen dhe të afërmit e tij në këtë moment zie./BujanociNet/
