Vinicius në telashe të mëdha, zbulohet dënimi i rëndë që mund ta presë pas kartonit të kuq

Real Madridi mund të përballet me një mungesë të rëndësishme në ndeshjet e ardhshme, pasi Vinicius Junior rrezikon të pezullohet për të paktën dy ndeshje pas një incidenti të cilësuar si sjellje agresive.

Sipas raportimeve të gazetarit Mario Cortegana, masa disiplinore ndaj sulmuesit brazilian mund të shkojë edhe në tri ndeshje, varësisht nga vlerësimi i raportit të gjyqtarit, ku përshkruhet reagimi i tij si “agresiv”.

Lexo edhe nga Sport

Zbulohen tetë pikat që Ronaldo ia aprovoi Jorge Jesusit për t’i lexuar në konferencën për shtyp Cristiano Ronaldo kishte përgatitur tetë pika për përzgjedhësin e Portugalisë, Jorge Jesus, të cilat ai i kishte aprovuar...

Një pezullim i tillë do të ishte një goditje për Real Madridin, pasi Vinicius është një prej lojtarëve kryesorë në repartin ofensiv.

Në rast se ndëshkimi konfirmohet, trajneri Jose Mourinho do të detyrohej të riorganizonte sulmin për ndeshjet ku braziliani nuk do të ishte në dispozicion.

E zbulon gazetari spanjoll: Vinicius shtyu zyrtarin e La Liga-s, më pas kërkoi falje

Për momentin, vëmendja e madrilenëve është te përballja e Ligës së Kampionëve ndaj Romës, e planifikuar për të mërkurën, më 14 tetor.

Ndërkohë, klubi dhe lojtari duhet të presin vendimin përfundimtar të organeve disiplinore për të mësuar se sa ndeshje do të mungojë Vinicius.

Nëse konfirmohet pezullimi prej dy apo tri ndeshjesh, Real Madridi do të duhet të vazhdojë një pjesë të kalendarit pa një prej futbollistëve më të rrezikshëm në sulm./Telegrafi/