Çmimet e makinave të reja në SHBA vazhdojnë të jenë pranë 50 mijë dollarëve, ndërsa modelet e përballueshme po bëhen gjithnjë e më të rralla.
Për këtë arsye, Stellantis planifikon të prezantojë nëntë modele të reja nën 40 mijë dollarë, dy prej të cilave pritet të kushtojnë më pak se 30 mijë dollarë.
Ndër modelet e reja pritet të jenë Chrysler Airflow, dy modele kompakte të quajtura Arrow dhe Arrow Cross, si dhe kamionçinat Ram Rampage dhe Dakota.
Edhe Dodge pritet të sjellë modelin GLH, një crossover që mund të nisë nën 40 mijë dollarë.
Stellantis po investon gjithashtu në modelet hibride dhe elektrike me autonomi të zgjatur.
Jeep po përgatit një version të tillë të Grand Wagoneer, ndërsa Ram pritet të nisë prodhimin e Ram 1500 REV në vitin 2027.
Kompania synon të forcojë konkurrencën ndaj prodhuesve si Ford dhe Toyota, duke ofruar më shumë modele me çmime më të përballueshme. /Telegrafi/
