Një tragjedi e rëndë ka goditur Virginia Fonseca-n, të dashurën e futbollistit të Real Madridit, Vinicius Junior, e cila konfirmoi se truproja e saj personale, Rogerio Camilo Ramos, dhe bashkëshortja e tij Paula Regina Rodarte Camilo, vdiqën në një aksident me makinë në Brazil.
Influencuerja e njohur braziliane njoftoi në Instagram lajmin tragjik, vetëm disa ditë pasi ajo dhe Vinicius ishin në qendër të vëmendjes gjatë garës së Formula 1 në Madrid, ku ata kaluan kohë me Lewis Hamilton.
“Djema, pak kohë më parë mora lajme për Camille, truprojën tonë personale dhe gruan e tij. Nuk postova asgjë sepse po prisnim që të gjithë anëtarët e familjes ta dinin, por meqenëse dëgjova se çfarë ndodhi, nuk mund të bëj asgjë. Zemra ime është e thyer”, shkroi Virginia.
Çifti i martuar vdiq në një aksident me motoçikletë në rrugën BR-060, në komunën e Guapo, jo shumë larg Goianias.
Sipas informacionit të shërbimit lokal “Rota Verde Goiás”, aksidenti ndodhi në kilometrin e 201-të të rrugës, me drejtim nga jugu.
Rogerio po drejtonte motoçikletën dhe mjeku e shpalli të vdekur në vendin e aksidentit. Gruaja e tij Paula Regina u gjet pa shenja të zemrës ose frymëmarrjes.
Zjarrfikësit u përpoqën, por pavarësisht ndërhyrjes së shpejtë nuk arritën t’i shpëtonin jetën.
Pas konfirmimit të lajmit tragjik, Virginia foli edhe një herë dhe i tha lamtumirë burrit që kishte qenë i shqetësuar për sigurinë e familjes së saj për vite me radhë me një mesazh emocional.
“Jeta është në të vërtetë vetëm një frymëmarrje. Në momente trishtimi si ky, fjalët nuk duken të mjaftueshme, veçanërisht përballë gjërave që nuk do t’i kuptojmë kurrë. E tëra çfarë mund të bëjmë është t’i besojmë planit të Zotit.”
“Camilo, do të jemi përgjithmonë mirënjohës për gjithë kujdesin, mbrojtjen, mençurinë, mirësinë dhe dashurinë e pamasë që i dhe gjithmonë familjes sonë. Prania jote ishte streha jonë e sigurt dhe kujtimi yt do të jetojë përgjithmonë në zemrat tona”.
