Sydney Sweeney po tregon hapur se zemra e saj i përket të dashurit të saj, Scooter Braun.
Çifti nisi lidhjen rreth një vit më parë, pasi u takuan për herë të parë në dasmën e Jeff Bezos dhe Lauren Sánchez, dhe duket se shkëndija mes tyre vazhdon të jetë po aq e fortë.
Në fotografitë e reja të realizuara për të promovuar linjën e saj të të brendshmeve, SYRN, Sweeney, 29 vjeçe, është shfaqur me një varëse të artë, në të cilën dallohen inicialet e të dashurit të saj 40-vjeçar.
Dy varëseza të vogla me shkronjat “S” dhe “B” janë vendosur në qendër të aksesorit.
Megjithatë, detaji i varëses mund të ketë kaluar pa u vënë re për shkak të pjesës tjetër të fotografisë, e cila tërhoqi vëmendje të madhe.
Me një buzëqeshje lozonjare dhe gjuhën jashtë, Sydney u shfaq me një paraqitje mjaft tërheqëse, e veshur me sytjena Smooth Cup Demi Bra dhe të brendshme të kombinuara nga koleksioni i saj SYRN.
Fotografitë e fundit nuk janë hera e parë që Sydney është parë me varësen me inicialet “SB”.
Aksesori ishte shfaqur edhe në një tjetër reklamë të SYRN, ku Sweeney pozonte e veshur me një sytjena dantelle në ngjyrë bezhë.
Sweeney dhe Scooter janë në lidhje që nga viti i kaluar. Në atë kohë, një burim i tha Entertainment Tonight se çifti vazhdonte të takohej dhe po përpiqej ta mbante lidhjen sa më larg vëmendjes së publikut, ndërsa njëkohësisht po e shijonin kohën së bashku.
“Ata thjesht po i marrin gjërat ngadalë dhe po e shijojnë kohën që kalojnë së bashku”, kishte shtuar burimi.
