Sharon Stone flet për kapërcimin e imazhit të “simbolit të seksit”: Është e rëndësishme të pranojmë se të gjitha jemi gra me pushtet

Sharon Stone reflektoi mbi kapërcimin e imazhit të saj si “simbol seksi” në Hollywood, ndërsa pranoi një çmim për punën e saj filantropike dhe avokimin për të drejtat e grave në eventin “Power of Women” të Variety.

Aktorja ikonike, e cila u bë e famshme në trillerin erotik të vitit 1992 “Basic Instinct”, foli me gazetarët në tapetin e kuq para ceremonisë në hotelin Beverly Hills në Los Angeles, ku morën pjesë disa yje.

“Mendoj se është shumë e rëndësishme të pranojmë se të gjitha jemi gra me pushtet dhe ndikim, sepse gratë, për vetë faktin se janë gra, janë të fuqishme dhe me ndikim”, tha Stone.

Lexo edhe nga Magazina

Nicole Scherzinger shfaqet me një fustan të shkurtër transparent gjatë mbrëmjes në Paris Nicole Scherzinger, 48 vjeçe, tërhoqi vëmendjen në Paris me një fustan të shkurtër transparent, përmes të cilit dukeshin...

Aktorja (68) vuri në dukje vendimet e përditshme që gratë marrin në shtëpi, nga rritja e fëmijëve deri te dekorimi i shtëpisë dhe zgjedhja e ushqimit.

“Kjo është një grua që merr të gjitha vendimet themelore të përditshme në botë. Mendoj se është shumë e rëndësishme të mendojmë për këtë. Kjo është shumë e fuqishme dhe me shumë ndikim”, shtoi ajo.

Stone i nxiti gratë ta përdorin atë fuqi dhe ndikim në mënyra të dhembshura, të menduara mirë dhe kuptimplote, si dhe në mënyra që kujdesen për njëra-tjetrën.

Gjatë ceremonisë, ajo theksoi punën e saj me Unionin Amerikan për Liritë Civile (ACLU), një organizatë jofitimprurëse e themeluar për të ruajtur të drejtat individuale të sanksionuara në Kushtetutën e SHBA-së.

“Unë jam një produkt i ëndrrës amerikane”, i tha ajo turmës, duke iu referuar babait të saj, Joseph William, i cili ishte punëtor fabrike në Pensilvani.

Më pas ajo foli për udhëtimin që kishte bërë që kur njihej si simbol seksi, duke theksuar se kishte arritur atje pavarësisht mundit fizik që kërkonte ai udhëtim.

“Nga një simbol seksi u shndërrova në një grua, dhe e arrita këtë duke i mbajtur të dyja këto këmbë të lodhura që më dhembnin nga veshja e takave 10 centimetra në dyshemetë e betonit. Pra, fuqinë që ndiej në fuqinë e grave, e marr sepse qëndroj midis jush dhe nuk qëndroj vetëm kur qëndroj këtu”, tha ajo.

Nga rruga, Stone ishte midis disa grave nga bota e argëtimit që morën njohje për përkushtimin dhe filantropinë e tyre në ceremoni. /Telegrafi/