Mungojnë Patriotët, Brukseli kërkon që Evropa t’i dërgojë në Ukrainë

Brukseli po u kërkon vendeve të BE-së që kanë interceptorë Patriot në rezervat kombëtare t’ia dërgojnë Ukrainës përpara dimrit, me premtimin se do t’i zëvendësojë më vonë me dërgesa të reja të planifikuara për vitin 2027.

BE-ja do të ndajë 6.1 miliardë euro shtesë për Ukrainën, kryesisht për blerjen e pajisjeve ushtarake, përfshirë interceptorët Patriot dhe dronët.

Lexo edhe nga Bota

Fitorja e AfD-së trondit Gjermaninë, çfarë sinjali është për pjesën tjetër të Evropës? “Një tërmet socio-politik”, “një moment që shënon kthesë për Gjermaninë”. Kështu e kanë përshkruar analistët politikë dhe shumë...

Komisioneri evropian për Mbrojtjen, Andrius Kubilius, tha se përshpejtimi i furnizimeve është jetik, pasi Ukraina përballet me sulme gjithnjë e më të fuqishme ruse.

Presidenti ukrainas Volodymyr Zelensky ka vlerësuar se vendit i nevojiten rreth 300 interceptorë Patriot për të përballuar dimrin.

Mungesa e tyre ka kufizuar aftësinë e Ukrainës për të ndaluar raketat balistike ruse.

Një interceptor PAC-3 kushton rreth 4 milionë dollarë dhe prodhimi i tij mund të zgjasë deri në 24 muaj, duke e bërë të vështirë furnizimin e shpejtë.

Ndërkohë, BE-ja dhe Ukraina po forcojnë edhe bashkëpunimin për prodhimin e dronëve, përmes një aleance që përfshin kompani evropiane dhe ukrainase.