N.P. Komunalia Bujanoc ka njoftuar se është realizuar një intervenim në burimin e ujit në fshatin Nesalc, me qëllim përmirësimin e furnizimit me ujë të pijshëm për banorët.
Sipas njoftimit, punimet janë ndërmarrë për të siguruar funksionim më të qëndrueshëm të sistemit dhe furnizim më të rregullt me ujë.
Lexo edhe nga Vendore
Goran Kostiq – Mekica denoncon në polici kryetarin e Bujanocit, Arbër Pajazitin
Një zhvillim i ri dhe i papritur ka tronditur skenën politike në Bujanoc, duke e zhvendosur përplasjen e...
Nga Komunalia u është bërë thirrje qytetarëve që të tregojnë kujdes dhe të përdorin ujin në mënyrë racionale, duke pasur parasysh rëndësinë e këtij burimi.
Njëkohësisht, qytetarët janë ftuar që të kryejnë obligimet e tyre financiare ndaj kësaj ndërmarrjeje, në mënyrë që shërbimet të vazhdojnë pa pengesa.
Bujanoc mbetet e angazhuar në përmirësimin e infrastrukturës dhe shërbimeve bazë për qytetarët./BujanociNet/
