“Jemi më të mirët’, Lamine Yamal i bindur se Barcelona mund ta fitojë tripletën

Lamine Yamal dukej shumë i sigurt kur u pyet nëse mendonte se Barcelona mund ta fitonte tripletën këtë sezon, duke pasur parasysh fillimin e shkëlqyer të sezonit.

19-vjeçari spanjoll ishte përsëri në formë për Barcelonën, e cila shkatërroi Galatasarayn në udhëtim me rezultatin 4-1, edhe përkundër disavantazhit prej 1-0.

Lexo edhe nga Sport

Pas Lionel Messit, kush do ta veshë fanellën me numrin 10 të Argjentinës? Pas më shumë se dy dekadash, Lionel Messi i ka dhënë fund aventurës së tij me Argjentinën. Të...

Adoleshenti i Barcelonës regjistroi dy asistime dhe u shpall në fund “Lojtari i Ndeshjes”.

Lamine Yamal POTM in Istanbul 🏆😁#UCL https://t.co/rQGZbGD2WD
— UEFA Champions League (@ChampionsLeague) October 13, 2026

Pas ndeshjes, Yamal nuk u tregua aspak modest, duke e cilësuar ekipin e tij si më të mirin në botë, teksa tha se mund ta fitojnë edhe tripletën.

“Gjithmonë. Ne jemi Barcelona, ne jemi skuadra më e mirë në botë”, u përgjigj Lamine për CBS Sports.

Ndryshe, Barcelona do të rikthehet në aksion në La Liga këtë fundjavë kur do të përballet me Real Betisin jashtë fushe. /Telegrafi/