Lionel Scaloni ka arritur marrëveshje me Federatën Argjentinase të Futbollit (AFA) për ta vazhduar kontratën si përzgjedhës i kombëtares së Argjentinës deri në përfundim të Kupës së Botës 2030.
Kontrata aktuale e përzgjedhësit argjentinas skadon në dhjetor të vitit 2026, çka kishte ngritur pikëpyetje për të ardhmen e tij në krye të kombëtares.
Megjithatë, tashmë palët kanë arritur marrëveshje për vazhdimin e bashkëpunimit dhe ka mbetur vetëm nënshkrimi i kontratës së re për ta zyrtarizuar atë.
Marrëveshja pritet t’i garantojë vazhdimësi stafit teknik të Argjentinës, ndërsa kampionët e botës përgatiten për sfidat e ardhshme në arenën ndërkombëtare.
🚨🇦🇷 BREAKING: Lionel Scaloni has agreed to sign new deal as Argentina head coach until World Cup 2030.The proposal sent in September has been accepted, details being sorted then time to sign.Scaloni said yes, as @CLMerlo reports. 🩵🤍 https://t.co/uVePo4xG0i
— Fabrizio Romano (@FabrizioRomano) October 22, 2026
Që nga marrja e drejtimit të kombëtares, Scaloni e ka udhëhequr Argjentinën drejt një prej periudhave më të suksesshme në historinë e saj.
Nën drejtimin e tij, “Albiceleste” ka fituar Kupën e Amerikës në vitin 2021, Kupën e Botës në vitin 2022 dhe sërish Kupën e Amerikës në vitin 2024.
Zbulohen pagat e përzgjedhësve të kombëtareve – shifrat janë marramendëse
Me çështjet kryesore të kontratës tashmë të zgjidhura, Scaloni dhe AFA pritet ta vazhdojnë bashkëpunimin deri në Botërorin e vitit 2030.
Kjo do t’i mundësojë Argjentinës të ruajë stabilitetin në stafin teknik dhe të synojë të mbetet në mesin e kombëtareve më të forta në botë./Telegrafi/
