Sylvester Stallone ka theksuar se nuk ndihet më sikur duhet të provojë asgjë në jetë.
Ndërsa promovonte librin e tij të ri “The Steps”, Stallone u shfaq në “CBS Sunday Morning” dhe kujtoi karrierën e tij 50-vjeçare.
Stallone theksoi se në këtë fazë të karrierës së tij nuk ndien nevojën për të vërtetuar vlerën e tij. Ai pranoi se nuk ka qenë gjithmonë e lehtë.
“Kalova një periudhë duke provuar veten kur isha rreth 30 ose 35 vjeç, u zemërova dhe u bëra hakmarrës. Nuk e shijova suksesin. Ishte i tmerrshëm. Kur e shoh prapa, në vend që të isha mirënjohës, nuk dija si të fikesha”, pranoi Stallone.
Stallone ndjeu se duhej ta justifikonte vendin e tij në fillim të karrierës së tij, gjë që ia vështirësoi suksesin në vitet që pasuan. /Telegrafi/
