Kapiteni i Arsenalit, Martin Odegaard, është pranë nënshkrimit të një kontrate të re afatgjatë me klubin londinez, ka raportuar eksperti i transferimeve, Nicolo Schira.
Sipas Schiras, Arsenali e konsideron mesfushorin norvegjez si një lojtar kyç për projektin e klubit dhe një futbollist të pashitshëm.
Raportohet se gjatë muajit të kaluar, “Topçinjtë” kanë refuzuar disa oferta për Odegaardin nga klube të njohura evropiane, por edhe nga skuadra të Arabisë Saudite.
Odegaard iu bashkua Arsenalit në janar të vitit 2021, fillimisht në formë huazimi nga Real Madridi, për shumën prej dy milionë eurosh.
Gjashtë muaj më vonë, transferimi i tij u bë i përhershëm për 35 milionë euro.
Kontrata aktuale e 27-vjeçarit me Arsenalin është e vlefshme deri në verën e vitit 2028, por klubi tashmë po punon për ta zgjatur atë edhe më tej.
Që nga transferimi i tij në “Emirates”, Odegaard ka zhvilluar 242 paraqitje me fanellën e Arsenalit, duke shënuar 44 gola dhe duke dhuruar 41 asistime.
Edhe këtë sezon ai ka nisur në formë të mirë, me katër gola në tetë paraqitje në të gjitha garat. /Telegrafi/
