Kris Jenner dhe partneri i saj Corey Gamble ende kanë një marrëdhënie të shkëlqyer.
Një burim pranë çiftit i tha revistës People se ata janë ende bashkë dhe janë “partnerë të shkëlqyer për njëri-tjetrin”.
Jenner dhe Gamble morën pjesë në ceremoninë e hapjes së Muzeut të Artit Narrativ Lucas në Los Angeles fundjavën e kaluar.
“Ata mund të kalojnë kohë larg njëri-tjetrit dhe të rikthehen së bashku sikur të mos ishin ndarë kurrë. Si Corey ashtu edhe Kris i lejojnë njëri-tjetrit të udhëtojnë dhe të jetojnë jetën e tyre. Nuk kanë pse të jenë bashkë gjatë gjithë kohës. Ata e shijojnë kohën që kalojnë së bashku, por gjithashtu u pëlqen të jetojnë jetën e tyre”, tha burimi.
Ai shtoi se Jenner e konsideron Gamble një person që i siguron asaj stabilitet.
“Ai është i qëndrueshëm dhe i kujdesshëm. Ai e ndihmon Krisin të qëndrojë i qetë dhe realist. Ata nuk kanë folur kurrë për martesën, janë të lumtur kështu siç janë, pa martesë”, tha ai.
Gamble dhe Jenner u takuan në vitin 2014 në festën e 40-vjetorit të lindjes së mikut të tyre të përbashkët, stilistit të modës Riccardo Tisci. Ata konfirmuan lidhjen e tyre në prill të vitit 2015 dhe u shfaqën për herë të parë si çift në Met Gala të vitit 2016. /Telegrafi/
