Nicole Kidman mori pjesë në ceremoninë e Emmy Awards, ku tërhoqi vëmendjen me një fustan të bardhë të markës Chanel, i cili theksonte linjat e saj trupore.
Fustani kishte një dekolte të theksuar në formë V-je, ndërsa në pjesën e dekoltesë dhe shpatullave ishte zbukuruar me pupla të bardha që i jepnin veshjes një pamje elegante dhe të veçantë.
Aktorja e kompletoi paraqitjen elegante me bizhuteri të thjeshta, duke e lënë fustanin në qendër të vëmendjes.
Një tjetër detaj që i shtoi hijeshi dhe sensualitet pamjes ishte çarja anësore e fustanit, të cilën Kidman e kombinoi me këpucë të zeza elegante.
Në tapetin e kuq, aktorja u shfaq në humor të mirë dhe pozoi para fotografëve.
Në ceremoninë e këtij viti të Emmy Awards, tapeti i kuq u shndërrua edhe një herë në një nga momentet më të komentuara të mbrëmjes, me yjet e Hollywood-it që sollën paraqitje të ndryshme dhe plot stil.
Krahas Nicole, vëmendjen e publikut e tërhoqën edhe veshjet e disa prej emrave më të njohur të televizionit dhe kinemasë.
Ceremonia e 78-të e Emmy Awards mblodhi aktorë, producentë dhe krijues të serialeve më të suksesshme të vitit. /Telegrafi/
