Laura Fazliu shkëlqen në Budapest, kualifikohet në gjysmëfinale të Grand Slamit

Laura Fazliu është kualifikuar në gjysmëfinale të Grand Slamit të xhudos, që po mbahet në Budapest të Hungarisë.

Xhudistja kosovare po garon në kategorinë deri në 63 kilogramë, ku e nisi ditën me fitore bindëse ndaj hungarezes Anna Kriza.

Lexo edhe nga Sport

Rikthehet Liga e Kampionëve – favoritët kryesorë dhe lojtarët që duhen ndjekur Liga e Kampionëve rikthehet këtë javë me përballje të mëdha dhe pritshmëri të larta për një tjetër sezon...

Fazliu triumfoi me Ippon, duke siguruar kalimin në fazën tjetër.

Në çerekfinale, ajo u përball me austriaken Lubjana Piovesana, të cilën e mposhti me rezultat 2:1 në “Yuko”.

Fazliu shënoi dy pikë të tilla, ndërsa kundërshtarja e saj arriti vetëm një.

Në garën e sotme morën pjesë edhe Akil Gjakova dhe Dardan Cena. Akili, që garoi në kategorinë deri në 73 kilogramë, u eliminua që në luftën e parë.

Ndërkohë, Cena arriti të shënojë dy fitore, por u ndal në luftën e tretë./Telegrafi/