Sandra Bullock fotografohet në daljen e saj të parë publike qëkur foli për herë të parë për vdekjen tragjike të partnerit të saj

Sandra Bullock u shfaq rrallë në publik të martën, pak pasi foli për herë të parë për vdekjen e partnerit të saj prej shumë vitesh, Bryan Randall.

Aktorja 62-vjeçare u përpoq të qëndronte larg vëmendjes, e veshur me një kapele bejsbolli dhe syze të errëta, ndërsa kryente disa punë në Beverly Hills, e shoqëruar nga vajza e saj 12-vjeçare, Laila.

Laila, njëra prej dy fëmijëve të adoptuar të Bullock, mbante një kuti me ushqim me vete, duke lënë të kuptohej se ato kishin ngrënë drekë diku pranë gjatë kohës që po bënin pazaret.

Lexo edhe nga Magazina

Aktori i famshëm turk, Halit Ergenç i pranishëm në Festivalin e Filmit në Sarajevë Aktori Halit Ergenç, i famshëm për rolin e Sulltan Sulejmanit në serialin “Sulejmani i Madhërishëm”, ka mbërritur në...

Kjo dalje e rrallë publike vjen në të njëjtën javë kur u publikua intervista e saj në podcastin “SmartLess”, ku ajo foli për herë të parë në detaje për periudhën kur u kujdes për Randall, ndërsa ai po përballej me sklerozën laterale amiotrofike (ALS), një sëmundje që prek sistemin nervor.

Gjatë bisedës me drejtuesit e podcastit, Jason Bateman, Sean Hayes dhe Will Arnett, aktorja fituese e çmimit Oscar tregoi se kishte kaluar katër vite duke përjetuar dhimbjen e humbjes së partnerit të saj, ndërsa sëmundja përparonte. Randall ndërroi jetë në gusht të vitit 2023, në moshën 57-vjeçare.

“Duke parë se ku ndodhej ai në rrugëtimin e tij, si fizikisht, ashtu edhe mendërisht, unë fillova të vajtoja për Bryan katër vite para se ai të ndërronte jetë. Diçka kishte ndryshuar,” shpjegoi ajo.

“Personi që ishte gjithçka për mua u largua shumë më herët se trupi i tij. Nuk mendoj se e përballova vërtet këtë derisa ai ndërroi jetë, sepse thjesht vazhdon të ecësh përpara, sikur të jesh në një rutine pa fund”.

Çifti u takua për herë të parë në janar të vitit 2015, kur Bullock e angazhoi Randall për të fotografuar festën e ditëlindjes së pestë të djalit të saj, Louis. Pak kohë më vonë, ata nisën lidhjen e tyre romantike.

Bullock foli gjithashtu për arsyen pse e kuptonte vendimin e Randall për ta mbajtur të fshehtë “diagnozën e tij traumatike”, edhe pse kjo situatë përfundimisht e bëri atë të ndihej e vetmuar.

“Ai më kërkoi të mos e ndaja me të tjerët. E di pse ma kërkoi këtë… Në fillim mendova: ‘Në rregull, mund ta përballoj. Mund të hesht. Nuk dua t’i lëndoj të tjerët për shkak të asaj që bëj. Prandaj mendoj se për njëfarë kohe ishte mirë të mos flisja’”.