Ajvazi: Shqetësim serioz situata me të dhënat e bizneseve në faqen e ARBK-së

Kryetari i Shoqatës së Prodhuesve të Kosovës (OEK), Kushtrim Ajvazi, ka reaguar sot lidhur me siç thotë ekspozimin e dokumenteve, nënshkrimeve apo kopjeve të identifikimit nga Agjencia për Regjistrimin e Bizneseve, duke thënë se kjo mund të krijojë rrezik për falsifikime, mashtrime financiare dhe keqpërdorime të tjera në emër të bizneseve.

Ajvazi thekson se si financier, e sheh me shqetësim serioz situatën me të dhënat e bizneseve në faqen e ARBK-së.

Lexo edhe nga Nacionale

Eksperti i sigurisë i përgjigjet ashpër Vulin: Realiteti në Kosovë është krejt ndryshe Eksperti i sigurisë, Avni Islami, ka reaguar ndaj deklaratave të fundit të ish-shefit të Agjencisë Informative të Sigurisë...

“Ekspozimi i dokumenteve, nënshkrimeve apo kopjeve të identifikimit mund të krijojë rrezik për falsifikime, mashtrime financiare dhe keqpërdorime të tjera në emër të bizneseve.

Si financier, e shoh me shqetësim serioz situatën me të dhënat e bizneseve në faqen e ARBK-së. Shpresoj që institucionet kompetente ta sqarojnë sa më parë situatën dhe të konfirmojnë se të dhënat e ndërmarrësve janë të sigurta”, shkruan Ajvazi. /Telegrafi/