Enti parashkollor “Gëzimi Ynë” në Bujanoc ka njoftuar se nga 1 prilli ka nisur regjistrimi i fëmijëve në programin përgatitor parashkollor për vitin shkollor 2026/2027, raporton Lugina Press.
Sipas njoftimit, ky program është i detyrueshëm për të gjithë fëmijët e lindur nga 1 mars 2020 deri më 29 shkurt 2021. Ndërkohë, mund të regjistrohen edhe fëmijët e lindur deri më 31 gusht 2021.
Koordinatorja e çerdheve në gjuhën shqipe në Bujanoc, Azize Iseni, ka bërë të ditur se afati për regjistrim zgjat deri më 30 prill 2026.
Dokumentet e nevojshme për regjistrim janë:
- Plotësimi i kërkesës për regjistrim (merret nga edukatorja ose pedagogia)
- Certifikata e lindjes së fëmijës
- Vërtetim shëndetësor nga mjeku i zgjedhur
