Takim ndërshkollor mes nxënësve nga Bujanoci dhe Gjermania

Në Shkollën Fillore “Naim Frashëri” në Bujanoc u zhvillua një aktivitet i veçantë arsimor dhe kulturor me pjesëmarrjen e 32 nxënësve shqiptarë nga Gjermania. Ata shoqëroheshin nga mësuesi i tyre, Lulzim Çollaku, si dhe nga disa prindër, transmeton Bujanoci.Net
Qëllimi i këtij takimi ishte forcimi i lidhjeve ndërmjet nxënësve, shkëmbimi i përvojave dhe nxitja e bashkëpunimit ndërmjet shkollave në diasporë dhe atyre në vendlindje. Gjatë vizitës, nxënësit mysafirë morën pjesë në procesin mësimor, duke u shpërndarë në klasat nga e pesta deri në të tetën, ku patën mundësinë të njihen nga afër me mënyrën e zhvillimit të mësimit.
Programi vijoi me aktivitete të përbashkëta artistike dhe prezantime nga nxënësit, të cilët shfaqën talentin, përkushtimin dhe frymën e bashkëpunimit. Ky bashkëveprim krijoi një atmosferë pozitive dhe inkurajuese për të gjithë pjesëmarrësit.
Aktiviteti u përmbyll me një koktej rasti, në një ambient të ngrohtë dhe miqësor, duke lënë hapësirë për bashkëbisedim dhe krijimin e urave të reja të komunikimit.
Organizatorët shprehën mirënjohje për të gjithë pjesëmarrësit dhe kontribuuesit, duke vlerësuar këtë takim si një hap të rëndësishëm drejt thellimit të bashkëpunimit arsimor dhe kulturor./Bujanoci.Net/

▶ Lexo edhe këtë nga Vendore

Kapet me 120 kg duhan pa akcizë, procedim penal ndaj një 36-vjeçari nga Bujanoci Autoritetet serbe kanë zbuluar një rast të tregtisë së paligjshme me mallra akcize, ku është sekuestruar një sasi...